Seloko Adat Jambi

• Adat bumbun menyelaro, adat padang kepanasan
• Adat nan dak lekang dek panas dak lapuk dek ujan titian teras betanggo batu, jalan berambah nan diturut, baju bejait nan dipakai, sumur tegenang nan disauk 
• Kalah ikat kerno buatan, kalah pusako kerno mupakat 
• Ado sirih nak makan sepah 
• Ambil benih campakkan sarap 
• Apo digaduh pengayuh samo di tangan biduk samo diaek 
• Aral petako karamo makalmaut 
• Bak membelah betung, sebelah diinjak, sebelah gi diangkat tinggi 
• Berjalan kincir kerno aek, begoyang dahan kerno anginnyo 
• Betelur nyamuk di punggung 
• Beujo bepegang eko, beambur bepegang tali 
• Buluh tuo menyesak kalu ditebang dak beguno 
• Bungkal nan bepiawai arus nan bedengung 
• Burung kecik ciling mato, burung gedang duo suaro; titian galing dalam negeri pagar nan rapat makan tanaman 
• Dak telak nggigit tanduk, nggigit telingo 
• Dikit menjadi pembasuh, banyak menjadi musuh 
• Di mano titik di sano ditampung, di mano patah di sano disisip, di mano terbit di sano dituai 
• Elok cakap tengah berembug, buruk cakap serambi berembug 
• Jangan bepikir sekali sudah behemat sekali habis 
• Jatuh di tempat nan rato, anyut di arus nan tenang 
• Kalu dak tembilang patah tanaman tekalik 
• Keruh aek di ilir, perikso di ulunyo; senak aek di ulu, perikso di muaronyo 
• Laksano kayu di dalam utan patah tumbuh ilang beganti 
• Lain biduk nan dikayuh, asing sampan nan ditambat 
• Macam narik benang dalam tepung; benang dak putus, tepung dak beserak 
• Menurut runut nan terentang sejak bari, menempuh jalan nan berambah sejak dulu 
• Merantau baolah ayam betino jangan dibao ayam jantan 
• Naik lah dikungkung dahan turun lah dipasung banir 
• Padi ditanam tumbuh lalang, ayam di pautan ditangkap elang,  ikan di pemanggangan tinggal tulang, di semak rimau mengadang, di aek pun buayo mengarang 
• Pandang aek pandanglah tubo, pandang ikan nan kan binaso 
• Patah lidah utang tumbuh, patah keris badan binaso 
• Salah langkah kaki patah, salah jangkau tangan putus 
• Tebing runtuh tepian beranjak, tanjung putus teluk beralih 
• Tonggak nan idak dapat digoyangkan, cermin gedang nan idak kabur 
• Ukur mato jangan diliat sajo, ukur telingo jangan didengar sajo; kurang sisik tunas menjadi, kurang siang rumput tumbuh 
• Urang kayo betabur urai, urang mulio betabur budi 
• Ganggang belut belengan panjang, jangan nak meluncur aek di papan 
• Kelaso besak tanduk tajam 
• Hendak balam padi rebah 
• Mudik keno lukah, ilir keno tekalak; nak maju bedil betenok, nak mundur ranjau tepasang 
• Mudik setanjung, ilir serantau 
• Tanggo batu nan betingkat, titian teras nan betiti 
• Rantau jauh diulangi, rantau dekat dikenonoh